Прадухіленне ўцечкі даных (DLP)

Паслуга «Прадухіленне ўцечкі даных» рэалізавана на базе рэспубліканскай платформы з выкарыстаннем мадэлі воблачных сэрвісаў SaaS (Software as a Service, «Праграмнае забеспячэнне як паслуга») і дазваляе выкарыстоўваць функцыі праграмнага комплексу, прызначанага для выяўлення выпадкаў парушэння палітыкі бяспекі арганізацыі адносна канфідэнцыяльнай інфармацыі, інфармавання аб такіх выпадках і прыняцця комплексу ўзгодненых мер.

Прынцып працы сістэмы прадухілення ўцечкі даных (DLP, Data Leak Prevention) складаецца ў аналізе ўсёй інфармацыі: выходнай, уваходнай і цыркулюючай унутры арганізацыі. Сістэма пры дапамозе алгарытмаў аналізуе, што гэта за інфармацыя і ў выпадку, калі яна аднесена да катэгорый, адрозных ад агульнадаступных, і накіроўваецца па няўзгодненым маршруце - абмяжоўвае дзеянне і/або паведамляе аб гэтым адказнага спецыяліста.

Выкарыстанне сэрвісу «Прадухіленне ўцечкі даных» дазваляе кліентам beCloud забяспечыць:

• кантроль захоўвання і перамяшчэння файлаў на лакальных дысках і ў агульнадаступных сеткавых папках;
• дэтэктаванне перамяшчэння крытычнай інфармацыі ў выглядзе графічных файлаў, выгрузак з баз даных (напрыклад, 1С) або ў дакументах, якая мае дакладную структуру (анкеты, заяўкі, формы, справаздачы і да т.п.);
• кантроль дзеянняў па зняцці скрыншотаў экрана і выкарыстанні кейлогера, аналіз інфармацыі, якая змяшчаецца ў буфер абмену;
• захаванасць інфармацыі, якая адносіцца да катэгорый "банкаўская тайна" або "персанальныя даныя";
• прадастаўленне пашыранай аналітыкі і візуалізацыя інфармацыйных патокаў, у тым ліку інтэрактыўны граф сувязяў і пашыраныя магчымасці вядзення дасье.

Акрамя пералічаных функцый ёсць магчымасць заказу дадатковых работ:

• па скарачэнні памылковых спрацоўванняў тэхналогій аналізу для катэгорый крытычнай інфармацыі, вызначаных у выкарыстоўваемых базах кантэнтнага фільтравання (БКФ);
• па распрацоўцы слоўніка тэрмінаў, які змяшчае катэгорыі, якія адносяцца да камерцыйнай тайны арганізацыі (кастамізаваная БКФ).

У рамках узгаднення заказу кліент вызначае склад модуляў, якія адказваюць за розныя кантэксты кантролю апрацоўкі інфармацыі, а таксама ўзровень тэхнічнай падтрымкі паслугі.

Па дадатковую інфармацыю звяртайцеся ў аддзел продажаў beCloud:
+375 17 287 11 11;
+375 17 287 11 49;
sales@becloud.by.