Аб РЦАД і Рэспубліканскай платформе
Аб РЦАД і Рэспубліканскай платформе

Аб РЦАД і Рэспубліканскай платформе

Рэспубліканскі цэнтр апрацоўкі даных beCloud



У Беларусі сёння працуе некалькі дзясяткаў дата-цэнтраў, але толькі нямногія з іх маюць магутнасць ад мегавата і вышэй. Адным з найбуйнейшых комплексаў Беларусі і першым ЦАД ўзроўню TIER III з'яўляецца Рэспубліканскі цэнтр апрацоўкі даных, створаны кампаніяй beCloud.

Рэспубліканскі цэнтр апрацоўкі даных (РЦАД) beCloud – адзін з найбольш сучасных і надзейных дата-цэнтраў ва Усходняй Еўропе, які прапануе кліентам найвышэйшы ўзровень бяспекі, адмоваўстойлівасці і якасную тэхнічную падтрымку. Спецыялісты beCloud стварылі дата-цэнтр, выкарыстоўваючы шматгадовы вопыт і рашэнні лепшых сусветных брэндаў.

На базе дата-цэнтра разгорнута Рэспубліканская воблачная платформа beCloud для прадастаўлення доступу да воблачных сервісаў усім дзяржаўным органам, а таксама камерцыйным кампаніям.

Асноўныя характарыстыкі

Рэспубліканскі цэнтр апрацоўкі даных beCloud - адзіны ў Беларусі модульны дата-цэнтр чацвёртага пакалення. Пры выкарыстанні міжнароднага вопыту і сучаснай тэхналогіі pre-fabricated design дата-цэнтр быў пабудаваны ў рэкордныя для такіх аб'ектаў тэрміны!

Пастаўшчыком рашэння стала кампанія Emerson Network Power (Заграб, Харватыя). Напярэдадні будаўніцтва спецыялісты вывучылі замежны вопыт стварэння і ўкаранення такіх цэнтраў, пабываўшы ў дзевяці краінах, у тым ліку ў Кітаі, Латвіі, Літве, ЗША, Расіі, ААЭ, Сінгапуры і Іспаніі.


  • плошча зямельнага ўчастка пад дата-цэнтр 12 га;
  • агульная ўмяшчальнасць IT-памяшканняў 624 стойкі (4 модуля па 156 стоек кожны);
  • агульная плошча IT-памяшканняў 3200 м.кв.;
  • разліковы гадавы PUE – 1,4;
  • крытычна важныя інжынерныя сістэмы дублююцца па прынцыпу не менш за N+1;
  • наяўнасць высаканагружаных стоек з падведзенай магутнасцю 12 кВт;
  • сумарная магутнасць выніковага праекта складзе 7,2 МВт.

Сертыфікаты і статуты

Дзякуючы сертыфікацыі Uptime Institute Tier III Рэспубліканскі цэнтр апрацоўкі даных beCloud забяспечвае выкананне ўсіх неабходных умоў для гарантаванага бесперабойнага функцыянавання вылічальнага абсталявання: адмоваўстойлівае энергазабеспячэнне, кліматычны рэжым, падключэнне да высакахуткасных адмоваўстойлівых каналаў сувязі, забеспячэнне комплекснай бяспекі, кругласутачны маніторынг.

Адмысловыя патрабаванні па бяспецы ў банкаўскай і крэдытна-фінансавай сферы выконваюцца дзякуючы атрыманаму сертыфікату PCI DSS.

У кастрычніку 2016 года Рэспубліканскі цэнтр апрацоўкі даных beCloud прызнаны найлепшым дата-цэнтрам і атрымаў галоўную прэмію на прэстыжным міжнародным конкурсе Russian Data Center Awards 2016 (Масква, Расія). З больш як дваццаці прэтэндэнтаў на перамогу прафесійнае журы аддало перавагу беларускаму праекту, як лепшаму рэалізаванаму рашэнню па стварэнню ЦАД у Расіі і краінах СНД.


  • Uptime Institute (USA) – адзін з найбольш вядомых інстытутаў, які карыстаецца даверам. міжнародных сертыфікацыйных інстытутаў. Сістэма стандартаў надзейнасці дата-цэнтраў.
  • Tier III Certification of Data Center Design Documents – Сертыфікат праекта. Дадзены сертыфікат пацвярджае, што праектная дакументацыя інфраструктуры ЦАД адпавядае стандартам Tier III Uptime Institute. Сертыфікацыя дата-цэнтра па гэтаму ўзроўню была пройдзена ў 2015 годзе.
  • Tier III Certification of Constructed Data Center Facility – Сертыфікат выканання. Дадзены сертыфікат пацвярджае, што пабудаваны і ўведзены ў эксплуатацыю ЦАД адпавядае раней сертыфікаванай праектнай дакументацыі і адпавядае патрабаванням Tier III Uptime Institute. Сертыфікацыя дата-цэнтра па гэтаму ўзроўню была пройдзена ў 2016 годзе.
  • Payment Card Industry Data Security Standard (PCI DSS) — стандарт бяспекі дадзеных індустрыі плацежных карт, распрацаваны Саветам па стандартах бяспекі індустрыі плацежных карт (Payment Card Industry Security Standards Council, PCI SSC), які заснаваны міжнароднымі плацежнымі сістэмамі Visa, MasterCard, American Express, JCB і Discover. Стандарт прадстаўляе сабой сукупнасць 12 дэталізаваных патрабаванняў па забеспячэнні бяспекі даных аб трымальніках плацежных карт, якія перадаюцца, захоўваюцца і апрацоўваюцца ў інфармацыйных інфраструктурах арганізацый. Першая сертыфікацыя дата-цэнтра па PCI DSS была пройдзена ў 2015 годзе і пацвярджаецца штогод.

Надзейнасць і бяспека

beCloud забяспечвае кліентаў гарантаваным узроўнем надзейнасці і бяспекі на ўсіх узроўнях прадастаўлення сэрвісаў:

  • комплексная сістэма абароны перыметра і аховы з замацаванымі працэдурамі рэагавання на інцыдэнты і зацверджанай палітыкай бяспекі, у тым ліку пацверджаная сертыфікатам PCI DSS;
  • высокая даступнасць інжынернай інфраструктуры Рэспубліканскага цэнтра апрацоўкі даных (РЦАД), пацверджанай сертыфікатам Uptime Institute;
  • адмоваўстойлівая сеткавая інфраструктура, арганізаваная з дапамогай рэзервуемых аптычных ліній сувязі;
  • надзейная вылічальная інфраструктура, пабудаваная з выкарыстаннем комплекснага падыходу ў забеспячэнні высокага ўзроўню SLA з дапамогай тэхналогій кластарызацыі і віртуалізацыі;
  • бяспечны контур пад размяшчэнне інфармацыйных сістэм і рэсурсаў з выкарыстаннем сертыфікаваных сродкаў аховы інфармацыі.

  • сертыфікацыя па стандарце Uptime Institute Tier III (Design Documents 2015, Constructed Facility 2016);
  • сертыфікат адпаведнасці патрабаванням міжнародных плацежных сістэм PCI DSS, пацвярджаецца штогод;
  • гарантаваны ўзровень даступнасці SLA - 99,982%;
  • узровень рэзервавання інжынерных сістэм: N+1;
  • 2 незалежных маршрута ВОЛС;
  • бесперабойная сістэма электрасілкавання стоек;
  • магчымасць выканання рамонтна-прафілактычных прац без прыпынку працы дата-цэнтра і сэрвісаў кліентаў, г.зн. магчымая адначасовая эксплуатацыя і тэхнічнае абслугоўванне РЦАД аж да замены кампанентаў сістэмы, даданні і выдаленні абсталявання, якое выйшла са строю;
  • кругласутачна ахоўваемы аб'ект (пастаянна знаходзіцца ўласны персанал аховы);
  • дадаткова аб'ект ахоўваецца Мінскім аддзелам Дэпартамента аховы МУС РБ;
  • ахоўная сігналізацыя з выкарыстаннем вібракабеля, датчыкаў руху;
  • шматузроўневая сістэма доступу супрацоўнікаў і кліентаў на тэрыторыю РЦАД і ў машынную залу;
  • сістэма відэаназірання па ўсёй тэрыторыі аб'екта і ўнутры кожнага з памяшканняў (больш за 96 камер);
  • сістэма відэаназірання з выкарыстаннем начных ІЧ-пражэктараў, глыбіня запісу не менш за 3 месяцы;
  • зачыненыя шафы, доступ па ўнікальных ключах.

Перавагі

beСloud забяспечвае сваіх кліентаў кругласутачным тэхнічным абслугоўваннем і маніторынгам, падаючы гнуткую сістэму тэхнічнай падтрымкі улічваючы ў першую чаргу патрэбы Кліента.


  • прафесійнае тэхнічнае абслугоўванне і маніторынг стану інфраструктуры і абсталявання ў рэжыме 24/7;
  • гарантаваны ўзровень забеспячэння электрасілкавання, каналаў сувязі і кліматычнага забеспячэння ў адпаведнасці з SLA;
  • прадугледжаная ў SLA фінансавая адказнасць за якасць прадастаўляемага абслугоўвання;
  • арганізацыя кліенту лакальнага доступу да абсталявання з адкрытага офіса (часовае працоўнае месца);
  • паслугі тыпу "Remote hands";
  • памяшканне на захоўванне запасных частак і элементаў абсталявання;
  • арганізацыя любых каналаў перадачы даных;
  • доступ у інтэрнэт з гарантаванай паласой прапускання без уліку трафіку.

Даведацца больш пра размяшчэнне сваіх сервераў у Рэспубліканскім цэнтры апрацоўкі даных можна па спасылцы.

Рэспубліканская воблачная платформа beCloud

Бізнэс «у аблоках», ці што такое воблачныя тэхналогіі

Воблачныя тэхналогіі даюць карыстальніку зручнае віртуальнае асяроддзе для захоўвання і апрацоўкі інфармацыі, якая аб'ядноўвае ў сабе апаратныя сродкі, праграмнае забеспячэнне, каналы сувязі, а таксама службу тэхнічнай падтрымкі. Захоўванне інфармацыі ў «воблаку» пры наяўнасці выхаду ў інтэрнэт дае магчымасць доступу да яе з любой кропкі планеты практычна з любой прылады.

«Воблака» можна лёгка наладзіць адпаведна запатрабаванням, набываючы дадатковую прастору для захоўвання інфармацыі ці, наадварот, адмаўляючыся ад лішкаў. Праца з воблачнымі тэхналогіямі дазваляе аператыўна рэагаваць на з'яўленне новых бізнес-задач, зніжае выдаткі і павышае эфектыўнасць прадпрыемстваў і іх падраздзяленняў.

Інфраструктурны аператар beCloud з'яўляецца аператарам Рэспубліканскай платформы (РП) і адказвае за яе стварэнне і функцыянаванне. Гэта замацавана ва Указе Прэзідэнта Рэспублікі Беларусь ад 23 студзеня 2014 г №46 "Аб выкарыстанні дзяржаўнымі органамі і іншымі дзяржаўнымі арганізацыямі тэлекамунікацыйных тэхналогій".

Рэспубліканская платформа прадстаўляе сабой праграмна-апаратны комплекс, у аснове якога ляжаць тэхналогіі віртуалізацыі (VMware vSphere, FusionSphere OpenStack) і аўтаматызацыі прадстаўлення воблачных паслуг.

Пласт аўтаматызацыі выконвае функцыю кіравання жыццёвым цыклам воблачных дата-цэнтраў, віртуальных машын, воблачных праграм і партала самаабслугоўвання карыстальнікаў, а таксама забяспечвае збор даных аб выкарыстанні воблачных паслуг.

«Воблака» beCloud размешчана на базе Рэспубліканскага цэнтра апрацоўкі даных beCloud з выкарыстаннем інфраструктуры Адзінай сеткі перадачы даных. Узровень надзейнасці дата-цэнтра адпавядае сертыфікацыі Tier III і патрабаванням сертыфікацыі PCI DSS.

Платформа створана для захоўвання і рэзервавання даных кліентаў, прадастаўлення зручнага сеткавага доступу да праграмных прадуктаў, праграмам, сервісам, сістэмам захоўвання.

Перавагі «воблака» beCloud:

Бяспека

Воблачная архітэктура разгорнута на базе Рэспубліканскага цэнтра апрацоўкі даных beCloud.

Надзейнасць

Воблачная архітэктура забяспечвае бесперабойную працу праграм у рэжыме 24/7.

Зніжэнне затрат

Адсутнічаюць затраты на куплю абсталявання і ПЗ, аплату працы IT-спецыялістаў па суправаджэнні сістэм.

Высокакваліфікаваныя спецыялісты

Паслугі аказваюцца высокакваліфікаванымі спецыялістамі з вялікім практычным вопытам.

Лепшыя сусветныя практыкі

Падтрымка методык найлепшых сусветных практык, гатовыя шаблоны і мадэлі.

Інфраструктура «воблака» больш стабільная і бяспечная у параўнанні з інфраструктурамі заказчыкаў. Гэта тлумачыцца больш высокімі выдаткамі і ўзроўнем ведаў, якія патрабуюцца для стварэння надзейных дата-цэнтраў. Не кожная буйная кампанія валодае падобнымі магчымасцямі.

Выкарыстанне сэрвісаў вядучай у Беларусі воблачнай платформы дае магчымасць заказчыкам скараціць капітальныя і эксплуатацыйныя расходы, забяспечыць бесперапыннасць бізнесу, павысіць узровень бяспекі і абароны даных.

Для вялікага, малога і сярэдняга бізнесу створаны сэрвісы для арганізацыі працы офіса, кіраванні ўзаемаадносінамі з кліентамі, уліку гандлёвых і вытворчых аперацый. beCloud забяспечвае поўны цыкл тэхнічнага абслугоўвання сэрвісаў, ад укаранення да тэхпадтрымкі 24/7.

Мадэлі абслугоўвання воблачнай платформы beCloud:

  1. Cloud Software as a Service (SaaS) – воблачнае праграмнае забеспячэнне як паслуга, далей «ПЗ як паслуга»,
  2. Data Center as a Service (DCaaS) – размяшчэнне сервернага абсталявання як паслуга,
  3. Platform as a service (PaaS) – платформа як паслуга,
  4. Cloud Infrastructure as a Service (IaaS) – воблачная інфраструктура як паслуга,
  5. Desktop as a service (DaaS) – паслуга па прадастаўленні дыстанцыйнага працоўнага месца,
  6. Private cloud – Прыватнае воблака,
  7. Backup as a service (BaaS) – рэзервовае капіраванне як паслуга.